Upphafssöngur

Texti
Þorgeir Tryggvason
Lag
Þorgeir Tryggvason

Sagan hefst.

Jólin eru komin í sveitirnar
Jólin eru komin í leitirnar
Jólin eru komin með kerti og spil
Jólin eru komin okkar allra til

Á jólunum fá allir sokk eða sjal eða belti
og Jólakötturinn kominn í mótmælasvelti

En á Grafarbakka eru engin jól
Því Grafarbakkakallinn hann er versta fól
Á Grafarbakka er alltaf haust
Hamingju- og gleði- og tilbreytingarlaust

Jólin eru hátíðin barnanna
Jólin eru hátíð vinnutarnanna
frá jólum blessuð sólin fer hækkandi
en næturfrosnum koppum fer fækkandi

Jólatréð gamla með lyngi og litpappír skreytum
og laufabrauðsköku í hangikjötssoðinu bleytum

En á Grafarbakka sérð þú aldrei bros
því Grafarbakkajólamaturinn er úldið tros
Á Grafarbakka ríkir skröggur einn
í hjarta hans er jökulkaldur mannhatursfleinn

Jólin eru hátíð sem við hlökkum til
Jólabarnið gerir öllum krökkum skil
Jólin eru komin með kerti og spil
Jólin eru komin okkar allra til