Prologus

Þið sem sitjið salnum í, sæt og rjóð og fín,
haldið víst að hefjist brátt eitt herjans mikið grín.
En gætið ykkar góða fólk, þótt gleðin hafi völd
í gegnum leikhúsgrímuna gægist hæðnin köld.

Því allt er satt sem sagt er hér en sumt er fært í stíl,
skítalykt af öðru er en ekkert vol né víl.
Við skoðum lungu og lifrar vel og lítum á viðkvæm mál;
eðli og hvatir Íslendinga, arfbera og sál.