Nóbelstangó

Loftið var grátt, landið var skekið,
fólkið var leitt, verðlaunum sneytt.
Í Ólympíuleik var að okkur hlegið.
það var okkar raun, okkar Hraun, okkar kaun að fá aldrei baun.

En nú er heilladís með dífu og hrís á rjómaís
og rauðan skúf í peysu
í sigurför
með sigurbros á rjóðri vör.
Við syngjum gleðilag með gleðibrag um gleðidag.
Loksins, loksins, loksins
er sigurinn vís
og Nóbelsprís.

Þjóðin var dauf, þingið var hnípið,
ríkisstjórn reið eftir gullinu beið.
Við Óskarsverðlaunin var að okkur hlegið.
það var okkar raun, okkar Hraun, okkak kaun að fá aldrei baun.

En nú er heilladís með dífu og hrís á rjómaís
og rauðan skúf í peysu
í sigurför
með sigurbros á rjóðri vör.
Við syngjum gleðilag með gleðibrag um gleðidag
Loksins, loksins, loksins
er sigurinn vís
og Nóbelsprís.