Byggt á þjóðsögunni Sálin hans Jóns míns líkt og Gullna hliðið eftir Davíð Stefánsson. Hér eru efnistökin þó allt önnur. Fjórir Jónar deyja og makar þeirra ákveða að koma sálunum til himnaríkis. Leiðin þangað er löng og grýtt og Kölski og árar hans bíða þess albúnir að hremma þau öll. Þetta leikrit var síðar umsamið og skrifuð við það tónlist og fékk þá heitið „Sálir Jónanna ganga aftur“.