Jólaævintýri
Æfingar á Jólaævintýri Di..., afsakið HugleixUm sýninguna: Jólaævintýri Hugleiks
Elsta efst 7/1 30/12 20/12 18/12 13/12 12/12 5/12 4/12 1/12 24/11 21/11 19/11 18/11 17/11 16/11 14/11 14/11 12/11 11/11 9/11 8/11 7/11 3/11 2/11 1/11 1/11 31/10 28/10 27/10 25/10 24/10 24/10 22/10 20/10 19/10 18/10 18/10 15/10 13/10 12/10 11/10 9/10 8/10 7/10 6/10 5/10 4/107/1 2006
Og svo púntktur.Eða ég geri frekar ráð fyrir því. Reyndar komu tveir af nefndarmönnum Þjóðleikhússins á aukasýninguna, en við erum nú ekki vön að flá feita getli í þeirri samkeppni þannig að ég geri heldur ráð fyrir að nú sé þessu lokið. Aukasýningin var nokkuð brösótt, og leiðinlegt að áhorfendur skiluðu sér ekki eins og miðapantanri bentu til, en veður var líka heldur ömurlegt. Engu að síður verð ég að endurtaka mína gömlu möntru. Þetta hefur verið einhver vandræðalausasti og skemmtilegasti vinnslutími sem ég man eftir á nokkru verkefni. Alveg gríðarlega skemmtilegur, samhentur og jákvæður hópur, og ekki hefur velgengnin skemmt neitt fyrir. Takk kærlega fyrir mig.Látum hr. Dickens hafa lokaorðin:Scrooge was better than his word. He did it all, and infinitely more; and to Tiny Tim, who did not die, he was a second father. He became as good a friend, as good a master, and as good a man, as the good old city knew, or any other good old city, town, or borough, in the good old world. Some people laughed to see the alteration in him, but he let them laugh, and little heeded them; for he was wise enough to know that nothing ever happened on this globe, for good, at which some people did not have their fill of laughter in the outset; and knowing that such as these would be blind anyway, he thought it quite as well that they should wrinkle up their eyes in grins, as have the malady in less attractive forms. His own heart laughed: and that was quite enough for him.He had no further intercourse with Spirits, but lived upon the Total Abstinence Principle, ever afterwards; and it was always said of him, that he knew how to keep Christmas well, if any man alive possessed the knowledge. May that be truly said of us, and all of us! And so, as Tiny Tim observed, God bless Us, Every One!
30/12 2005
Jæja! Ekki hefði ég trúað því að sýning eftir 10 daga pásu og jólahald gæti orðið svona góð. mikill kraftur og salurinn góður, jólaskapið að hjálpa til gæti ég trúað. svo sem ekki mikið um þetta að segja meira utan þess að ég fann þetta hér sem sáttur gestur gærdagsins hafði um málið að segja. þetta tekur enda í kvöld, lokasýning enda þótt að við vitum að það er kannski ekki allskostar tæmandi sannleikur. en það er svo sannarlega party í kvöld!20/12 2005
sunnudagssýning. tvennt kannski helst markvert, aldrei verið fleiri á sýningu (næstum ofselt í salinn) og sýningin tekin upp og gummi á heiðurinn að því að mestu, reddaði professional vinum sínum á tvær kamerur og allt! kraftmikil sýning og svoldið mistæk en að mínum dómi sú besta hingað til. gott fólk í salnum og fagnaðarlátum í endann ætlaði aldrei að ljúka. útsláttur ljósaborðs sem bjargað var fyrir horn á elleftu stundu af snarráðum ljósameistara er eftirminnilegur og eins barnið sem var vissari en Ebenezer sjálfur um að hann væri ekki dáinn. þetta var síðasta sýning fyrir jól og nú eru bara tvær eftir. væntanlega birtumst við í kastljósi nú í kvöld (þriðjudag) því ekki vorum við í gærkveldi eins og búist var við. góðar viðtökur fengum við hjá aðalsprautu rokk.is sem kom á laugardagssýninguna og má lesa dóma hans og óumbeðið plögg hér.háværar raddir tala nú um aukasýningu á þrettándanum og væri það vel og við hæfi að ljúka jólunum þannig. vonandi höfum við þó ekki séð framan í hvert annað í síðasta skipti fyrir jól því fyrir liggja jólatónleikar hrauns á rosenberg að kveldi tuttugastaogannars og ættum við að fjölmenna þangað öll sem eitt. til hinna sem ég kem ekki til með að hitta þar segi ég gleðileg jól!18/12 2005
Sýning í gær og í fyrsta skipti sýnt fyrir minna en 100 manns. 60 manns á sýningu hefur nú oft þótt gott en við erum orðin ansi góðu vön og þurfum ekkert að venja okkur af því því mikið er búið að panta á sýninguna í kvöld og nálægt uppsölu.Gummi fær höfundaverðlaunin fyrir að endurskrifa jólalögin, ég hélt að ég myndi kafna úr hlátri.Annars var sýningin góð, kannski eilítið kærulaus en mjög lifandi og kraftmikil.Nú þegar maður hefur séð svona margar sýningar og horfir til bara er gaman að velta fyrir sér hvað hefur þróast og breyst og tvennt kom í huga mér í gær. Ebbi yngri og Bella eru orðin svo vandræðaleg í sokkasenunni að maður getur ekki setið kyrr og Lína verður djöfullegri með hverri sýningu. Í gær blótaði hún sáran í hljóði þegar bróðir hennar komst að því að Ebenezer væri ekki dauður og mínu þjálfaða auga fannst það mjööög fyndið.Og svo bara aftur í kvöld!Kastljóssgiggið birtist sennilega annað kvöld sem er ekkert endilega besta tímasetningin en skítt með það. þetta verður flott.Eru kannski allir hættir að lesa þetta?13/12 2005
Jólaævintýrið er á góðri leið með að verða einhver umfjallaðasta sýning Hugleiks. Fyrir utan "hefðbundnar" umsagnir í Mogga og á Leiklist.is hefur nú birst umsögn á Rás 1, á vef Tímarits Máls og Menningar (og þá sennilega í Viðskiptablaðinu) og nú síðast fékk tónlistin sér gagnrýni hjá Mogganum.Og svo eru náttúrulega bloggin. Góður slatti af sýningargestum hefur séð sig knúinn til að segja kost (og löst) á sýningunni á sínum einkafjölmiðli. Krækjur á slíka texta er m.a. að finna hér og hérOg á fimmtudag munum við sprella fyrir Jónatan Garðarsson og Kastljósið. Veitekki hvenær það birtist en allt kemur það í ljós.12/12 2005
Þrjár sýningar að baki síðan síðast var bloggað. Sá tvær hinar síðari. Föstudaxsýningin var sú fyrsta sem ég missti af. Það var ... kikk út af fyrir sig. Hinar tvær voru báðar bísna lögulegar, og sú í kvöld var að ég held sú flottasta hingað til. Annars er þetta allt að settlast, og alls óvíst að nokkur annar en við áttum okkur á þessum núansmun milli sýninga.Hinsvegar verður aðsóknin að teljast hið mesta gleðiefni. Fullt af fólki á hverri sýningu. Megnið af þeim hamingjusamt í leikslok. Þá er takmarkinu náð.5/12 2005
Í gær kveiktum við í trénu. Eða kannski öllu heldur tókum þátt í að hafa ofanaf fyrir barnaskaranum á Austurvelli þegar búið var að tendra ljósin á Oslóartrénu. Sungum þrjú lög og tengdum þau með ágripi af sögunni. Dreifðum svo flyerum í skarann á eftir.Þetta tóxt ágætlega. Vetur konungur er reyndar ekki með sérlega gott tóneyra og gat samt ekki stillt sig um að fikta í gítarnum með fyrirsjáanlegum (heyranlegum) afleiðingum. En hvað, þetta er jú alltsaman deþþþþ!Eitthvað hefur verið gasprað um að við þetta tækifæri hafi hugleikur verið þýddur yfir á táknmál í fyrsta skipti. Gott ef sjálfur leyndarskjalavörður félagsins hafi ekki haldið þessu fram. Honum hefur hinsvegar verið bent á að það er alrangt, enda fór Hanna Kr. Hallgrímsdóttir á kostum sem táknmálstúlkur í Nóbelsdraumum Arna Hjartarsonar. Þetta telst nú leiðrétt.4/12 2005
Nú virðist lögmálið "fyrstur kemur, fyrstur fær" vera alls ráðandi um bloggun hér á bæ. Þar sem enginn hefur tekið frumkvæðið ennþá (og eru sjálfsagt annað hvort að jafna sig eftir skemmtun gærkvöldsins eða undirbúa skemmtun dagsins) ætla ég að nýta þessar 20 mínútur áður en strætó kemur.Það var víst mál manna að sýningin í gær hefði verið sú besta fram að þessu. Það var hins vegar erfitt fyrir einstaka leikara að koma auga á það því sjaldan hafa jafnmargir einstaklingar tekið sig saman og klikkað á jafn misjafnan en smávægilegan hátt í einni sýningu. Sjálfsagt voru það mestallt klikk sem enginn tók eftir nema við (og fær Loftur nafngiftina sérlegur reddingameistari kvöldins.) Það sem þessi klúður skiluðu víst var óvenjumikill kraftur og einbeiting sem áhorfendur nutu góðs af. Nú er bara trixið að finna þennan kraft án þess að sleppa texta, gleyma innkomum og skemma props og búninga. Þá er auðvitað spurning hverju við gætum flissað yfir eftir sýningar.Héldum glaðbeitt (næstum) öll sem eitt á Hraungigg á Rósenberg eftir sýninguna. 3/5 af Hrauni eru meðlimir í hinu fornfræga bandi "Forynjum og draugum" og kominn tími til að leikhópurinn berði drengina augum í sínu rétta elementi. Svo átti Silja afmæli sem var prýðis fyrirsláttur fyrir djammi. Þá er best að skella sér niður í bæ, kveikja í trénu og syngja Gleðileg jól.1/12 2005
Jæja, tek mér það bessaleyfi að blogga um æfingu kvöldsins. Ha, æfingu? Já, í kvöld var haldið ítalskt rennsli á Jólaævintýri Hugleiks, Togga og leikurum til skemmtunar. Allur komst textinn til skila, leikarar leyfðu sér ýmis fíflalæti og tilfinningaríkar replikkur urðu býsna fyndnar þegar leikararnir bunuðu þeim útúr sér af algerum tilfinningaskorti. Grettir hafði sig meira í frammi en áður og Tommi litli virtist nú ekkert eiga neitt alveg hreint svakalega bágt. Og engillinn fékk loksins sitt gje. Og svo sýning á morgun, arvala lífsins og hana nú... Og sumir þurfa víst að tala hærra (ahem...)24/11 2005
önnur sýning í kvöld og var hún góð. sennilega rétt um hundrað manns í salnum og mikið til unglingar sem voru greinilega komnir með hvolpavit því þau skríktu iðulega mest þegar tvíræðnin fór hæst og er ekkert að því svo sem. grettir vakti einnig mikla lukku.ég mætti reyndar ekki fyrr en hálftíma fyrir sýningu og þá var upphitun að ljúka og allir komnir í gírinn. til helstu tíðinda á sýningunni sjálfri má telja að sigurður fullkomnaði loks mandólínspil sitt ofan á kistunni en varð svo um og ó að hann var næstum dottinn af kistunni.eftir sýninguna héldu síðan flestir á nasa þar sem ampop (sem er hljómsveit sem jón geir er í (hvar finnur gaurinn allan þennan tíma)) hélt útgáfutónleika. þeir voru hinir bestu og komu mér hreinlega á óvart. reyndar þótti mér ekki við hæfi að þjófstela draugahljóðunum okkar og planta þeim inn í lög þar sem ekkert sást til ragnheiðar, móra eða þeirra hinna.kynningarmál eru í fullum gangi og það nýjasta er að ég held innskot í fólki með sirrý 30. nóv og upptroðsla á jólatréskveikingunni niðrí bæ þann 4. des. með þessu áframhaldi hljótum við að verða heimsfræg!21/11 2005
Og þá er því lokð...... eða kannski ekki lokið, en það eru engu að síður merk tímamót í lífi hverrar leiksýningar að vera frumsýnd.Fyrir minn hatt tókst frumsýningin með miklum sóma. Er ekki frá því að aðalæfingin hafi verið sjónarmun kraftmeiri, en þetta á allt eftir að stillast af og mun einatt taka mið að þeim sem sitja úti í sal og "hamast við að trúa" því sem við skrökvum að þeim ofan af sviðinu, svo vitnað sé í þjóðsöng félagsins.Ég hef marga fjöruna sopið í leikhúsi en þetta æfingaferli er trúlega það skemmtilegasta sem ég hef tekið þátt í. Allt samstarfsfólk með eindæmum frjótt og skemmtilegt, og hafa án þess að á það hafi verið minnst tileinkað sér gullnu regluna hans Bogga vinar míns, og innifelur allar aðrar samskiptareglur:Bannað að vera með vesen.Takk fyrir mig þið öll!Ég á von á því að þessi dagbók verði látin lifa og verði áfram færð eftir hverja sýningu, jafnvel oftar ef einhver finnur í sér hvöt til þess.19/11 2005
Að morgni frumsýningardax er verðugt að líta aðeins um öxl, byrjum á því að skoða stutt.Generallinn gekk alveg glimrandi vel og allt small saman alveg eins og ég var búinn að lofa mér. Það var mikil ánægja meðal ágorfenda og höfðu félagar mínir það á orði að auðvitað væri Hjalti settur í eitthvað svona hlutverk. En allavega, lítum um ögsl. Þann 3/10 hittumst við fyrst og vorum ekkert alveg viss um hvað við værum að fara að gera og ekki heldur hvernig við ætluðum að gera það. Síðan þá erum við búin að ná að búa til þetta líka feikna skemmtilega leikrit með öllum þessum lögum, við erum búin að taka ögin upp og gefa út heilan geisladisk (það hljómar svolítið töff). Við erum búin að ná því að það eru 1500 miðar pantaðir áður en við frumsýnum (og það hljómar bara geggjað). Og ég vil bara segja það að þetta gekk bara ýkt vel og svo skulum við margbrjóta á okkur lappirnar í kvöld. pojpoj
18/11 2005
Í gær var talsvert plöggað. Farið var og tekið upp atriði fyrir Stundina okkar. Þangað fóru Anna Begga, Jón Geir og Júlía og létu ljós sín skína. Ekki verður það þó sýnt fyrr en eftir einar 2 vikur, skilst mér. Svo fórum við Anna Begga og tjáðum okkur á Talstöðinni. Það var ljómandi gott og skemmtilegt viðtal og ég held að kannski höfum við lokkað útvarpskonuna hálfa leið í Hugleik. Og ekki nóg með það, hún spilaði 2 lög úr leikritinu. (Á útvarpsstöðinni sem einungis á að tala á.)Síðasta rennsli fyrir generál fór síðan alveg ágætlega fram í gærkvöldi. Eitthvað voru menn að fara á taugum á nýjum og spennandi stöðum, en betur að gera það strax en síðar. Leikarar sýndu mikla tjaldfimi og allt er á síðustu metrunum að smella saman.Eitthvað átti síðan eftir að málast og ljósamál eru enn pínulítið á fleygiferð en það ku hafa átt að reddast í gærkvöldi og dag. En, þetta lítur ágætlega út, verst að nú fer þessu bráðskemmtilega æfingatímabili að ljúka.17/11 2005
The Day of The Icelandic Tounge!Það var enda sungið fyrir Jónas í upphituninni. Eins og Dickens núna hefur hann svo sannarlega fengið að kenna á hugleixhúmornum svo það minnsta sem við getum gert er að raula hinn sérhugleixka ammælissöng fyrir hann.Undirritaður tók hugleiksdaginn snemma og eyddi honum í aðskiljanlegustu útréttingar sem lauk í þann mund sem við hófum rennsli. Og mikið óskaplega var þetta gott rennsli. Allt að springa út. Fullt eftir að gera en ljóst að það hefst. Áhorfendur í fyrsta sinn sem skríktu talsvert, sérstaklega að Móra, enda fátt fyndnara en framliðnir vandræðaunglingar.Endaði daginn á að smíða fjárhirðastaf fyrir Heiðlaugu Svan.Förum í upptöku fyrir Stundina Okkar á morgun. Hér eru allir dagar eins...16/11 2005
jæja! æfing á seinni parti í dag og rennsli eftir það. mikill munur á textakunnáttu milli æfinga en betur má ef duga skal! hræðilega margt eftir að gera fram að frumsýningu en ekkert óyfirstíganlegt. álagið er farið að segja til sín og einhverjir finna til veikinda eða eymsla.það sem kannski var skemmtilegast við rennslið í kvöld var að þetta var í fyrsta sinn sem stykkið rann í gegn sem heild. ekki kannski tilbúið til sýningar en þó ein heild. mikið á eftir að þétta og útfæra en ég er bjartsýnn að eðlisfari og ég sé þetta, ekki aðeins blessast heldur eiga eftir að verða rós í hnappagöt allra þátttakenda.af öðrum málum má nefna að allt er komið í prentun, plaggöt og flæerar, leikskrá og diskadót. einnig er markaðsátakið að skila sér og sjáum við fram á að þurfa að auglýsa nokkrar sýningar uppseldar strax við fyrstu blaðabirtingu. það er nú gott og gaman og húrra fyrir markaðsmógúlum!og nú er bara að fara vel með sig og halda áfram að brosa. fara yfir textann sinn og hlusta á nýuppteknu lögin okkar og syngja með! það er mikið sem á eftir að mæða á okkur næstu daga en við rúllum þessu upp ef allir hugsa um sitt.rokk og ról!14/11 2005
Fluttum í Tjarnarbíó í gær. Og fengum ljósameistara í hús. Guðmundur Steingríms ætlar að varpa ljósi á þetta furðuverk. Rennslið var nokkuð skrykkjótt eins og við mátti búast og ljóst að einhver handtök eru óunnin við að pakka inn efninu. En það mun hafast. Leikmyndin lúkkar ágætlega og verður að mestu leyti þénug í rýminu. Hljóðballans er góður. Allt er gott.14/11 2005
Án þess að vita hvort einhver hafi Sjanghæjast í blogg tek ég mér það bessaleyfi að henda inn svosem eins og einni færslu því það var svo ótrúlega gaman í dag. Við stjórnin byrjuðum á einum léttum fundi þar sem Toggi talaði og við hin brostum, vorum sæt og kinkuðum kolli. svo var bara talið í og við tókum nett hjakk á fyrri hluta. Skemmst er frá því að segja að það var bara eins og einhver hefði hent stersprautu í ra"%gatið á leikhópnum í heild allt orði miklu skemmtilegra og líflegra. Ekki versnaði svo ástandið þegar við byrjuðum svo á heildar rennsli og held ég að það sé (skrítið en satt) rétt að vitna í Stuðmenn og segja "energí og trú". Toppurinn á kvöldinu var þó þegar Bibbalingurinn kom færandi hendi með nýbrennda diska með tónlistinni á, þess má til gamans geta að þeir fara í fjölföldun á morgu, só vottsj á hullarar nú er von á góðu12/11 2005
djöfull var gaman í gær..tróðum upp í Þjóðleikhúskjallaranum, vorum að kynna Jólaævintýrið.fyrir ykkur sem misstuð af því ætlum við að gera það aftur í kvöld klukkan 22. mættu !!já og svo eru skemmtilegar fréttir, Stundin okkar ætlar að taka okkur upp á fimmtudaginn. við fáum að fara í heimsókn til þeirra og taka lítið atriði. jeij, við verðum fræg ; )11/11 2005
Í gærkveldi brunuðum við í gegnum síðustu þættina tvo, hinn dramatíska draug framtíðarjóla og svo hið sykursæta lokaatriði. Sviðsettum lokasöng, og sem betur fer fannst asnakjálkaleikari á síðustu stundu. Lögðum svo línurnar með kynninguna í Þjóðleikhúskjallaranum.Þegar flestir héldu heim á leið lagði undirritaður lykkju á leið sína og kíkti á Bibba og Björn takkatröll sem sátu yfir hljóðblöndun disksins. Þeir spiluðu fyrir mig tóndæmi sem ég gat ekki annað en verið hæstánægður með. Þetta hefur tekist hið besta.Fór svo og gerði eina leikskrá og lagaði einn flyer fyrir svefninn.9/11 2005
Úfff ... fyrsta tilraun mín til bloggs misheppnaðist hrapalega enda óblogginn með afbrigðum. Verður því farið yfir tvo daga í einu. Í gær varið farið í síðustu senurnar sem voru í lausu lofti.Jólaóratorían er orðið magnþrungið meistaraverk sem mun án efa verða fastur liður í helgihaldi landsmanna og verða minnsvarði um sköpunarkraft Hugleiks löngu eftir okkar daga. Ég er líka viss um að í jólamessum og sunnudagaskólum framtíðarinnar verður ávallt tekið mið af túlkun Sigurðar H. Pálssonar á kindahjörðinni.
Næst var farið í Víkivakan og sjá hann er orðinn glettilega áhugaverður, jafnvel fyndinn.Vinkona mín sem fylgst hefur með þessari dagbók benti mér í morgun á að kannski væri gott að það væru bara tíu dagar í frumsýningu, því það virtust birtast ný lög og atriði í hverri viku og þetta myndi aldrei taka enda. Eitthvað er til í þessu því viti menn, er ég kom heim beið mín ný endurskrifað heimkomuatriði Ebbalings (Ebeneser ungur) og Bellu. Það var æft í kvöld ásamt Ragnheiðar senu sem er uppfull af púkalegum bröndurum (bloggari telur sig hafa verið andsetinn af spaugstofunni er þetta pönsjlæn var skrifað). Svo var rennt í öll fortíðar jól með miklum bægslagangi og fyndum. Það er kannski geðveiki að fara að bæta meiru við en DJÖFULL ER ÞAÐ GAMAN.
8/11 2005
Jeij..Æfðum upphafssönginn í kvöld.. Kóreógraferuðum hann sko.
Þetta verður heljarinnar upphaf. Á alveg eftir að fanga fólk með í jólagleðina. Við fengum líka að sjá sýnishorn af útliti leikritsins þar sem sérlegur grafískur hönnuður okkar hefur lokið við að hanna lúkkið. Þið getið sjálf litið þetta sýnishorn á forsíðunni. Ber að vekja sérstaka athygli á því að leiksystir okkar hún Inga Rósa á heiðurinn að þessum myndum, þ.e. draugnum og hrædda Ebenezer. Húrra fyrir henni! Þetta eru geggjaðar myndir..Já og svo er bara fundur með Símanum á morgun.. Verð að viðurkenna að ég er nett stressuð fyrir hann. Elsku Sími, vertu vænn.
7/11 2005
(Einn hugleikari sem ekki er í jólaævintýrinu kvartaði við mig um daginn að bloggið hérna væri helst til innherjalegt. Því verða engin sniðuglegheit í þessari færslu heldur verður hún fræðandi og upplýsandi fyrir alþjóð. Og guð blessi okkur öll sem eitt... doh!)Ég held ég sé ekki í lagi. Ég syng tiltölulega lítið í þessu verki (miðað við suma) og spila á endanum á ekkert hljóðfæri (nema hvað ég fæ að hella til fræum í einu lagi) og hefði getað farið heim til mín klukkan 6, eða svo. Í staðinn var ég að skríða inn rétt í þessu, klukkan 2 um nótt. Það semsagt var upptökudagur. Við mættum svefndrukkin klukkan tíu á sunnudagsmorgni niður í FÍH, sem er óguðlegur tími fyrir alla þá sem sækja ekki messu að staðaldri. Bibbi og félagar voru búnir að róta öllu dótinu inn kvöldið áður og allt tilbúið. Höfðum semsagt fengið afnot af stúdíói frítt fyrir hreinan helvítis klíkuskap, eins og venjulega. Hjalti var svo hugulsamur að muna eftir bæði kaffivél og katli, svo drykkjarlaust var ekki. Og aðrir gestir FÍH notuðu sér þetta óspart, m.a. frægir poppar (og jafnvel bopparar líka). Bjössi leiddi okkur í gegnum upphitun á meðan Bibbi og hljóðmennirnir vinir hans undirbjuggu allt, og það verður að segjast að hann er verulega flinkur í því (Bjössi í raddæfingunum, alltso. Og reyndar Bibbi í að undirbúa líka. Anyways...). Allur hópurinn drifinn niður um 12-leytið í sándtékk, sem gekk nokkuð snurðulaust og svo var dríft sig í að taka upp lokalagið. Sem gekk bara aldeilis vel, ótrúlega fáar tökur sem þurfti. Við erum bara svo flink.Að þeirri upptöku lokinni tók við nokkurt hlé, þar ljósleiðarakapall brann yfir (eða eitthvað svoleiðis) og meðan því var reddað var fólk duglegt að finna sér eitthvað að dunda. Flatskjárinn á kaffistofunni kom sér líka vel. Allavega, tæknilegum örðugleikum var reddað eins og venjulega og eftir það gekk þetta eins og smurt. Tókum hvert lagið á fætur öðru sem allur hópurinn söng í, tveir ungir menn mættu og tóku eitthvað upp á vídeó (það á sko að gefa út myndband, og hana nú), en skyldu eftir vídeókameruna, og ég auðvitað hertók gripinn og eyddi því sem eftir var við upptökur á því sem framfór (heilir tveir klukkutímar af efni). Upp úr fjögur fóru flestir upp og biðu eftir pizzum, en á meðan tók Bjössi sólóið sitt í iðrunarlaginu og verður að segjast að sú frammistaða er ansi hreint mögnuð. Að þessu loknu var haldið áfram að taka upp, fjölskyldan kláraði sína plikt með kurt og pí, og þá mættu Sessí og Kjartan með forláta miðaldra gítarleikara í farteskinu. Hann bar nú kannski ekki metalsólóin utan á sér, en átti nú eftir að koma okkur þar í opna skjöldu. Hann bar með sér rafmagnsgítar og magnara, plantaði þessu niður og tók þetta líka rokna gítarsóló í lokunum á iðrunarlaginu. Við sem vorum í stúdíóinu á meðan sátum alveg dolfallin og opinmynnt. "Vilduð þið eitthvað í þessa áttina?" spurði hann svo. "Þetta er uppáhaldsáttin mín," svaraði Bibbi. Alltaf svo orðheppinn þessi elska. Svo kvaddi snillingurinn hæversklega með orðunum "þið megið eiga þetta" og fór. Eftir sátum við með sælubros á vör og einu gítarsólóinu ríkari. Iðrunarlag Ebenezers er nú orðið eins magnað og hugsast getur, með frábærum söng Bjössa og ... gítarsólói! Jesús Kristur... nei, enga aulabrandara hér! Hulda átti góða rispu sem Ragnheiður koppakerling, og Jón Geir, Silja og Bjössi renndu sér glæsilega í sambandsslitalagi Ebenezers og Bellu. Bjössi og Fríða tóku svo lærdómsvísur sínar... í svíng! Frábært alveg. Og Fríða í banastuði. Síðasta lagið sem var tekið upp var svo vitleysingasöngur Kapítólu, sem þurfti nú kannski aðeins fleiri tökur en áður, menn orðnir þreyttir (enda klukkan að verða 11 um kvöld) og rugluðust stundum hér og þar. Eftir það voru teknar upp strófur hér og þar sem vantaði. Um miðnættið mætti húsvörðurinn á staðinn og ætlaði að henda okkur út öfugum, en Bibbi og Anna Begga náðu að kría út meiri tíma með diplómatískum sleikjuskap. Og þegar ég fór rétt fyrir 2 voru þeir enn að klára. Og eins og ég sagði, ég hefði alveg getað farið heim kl. 6, en hreinlega tímdi því ekki. Og þegar maður er komin með kameru í hendurnar er ekki aftur snúið. Hefði nú samt viljað spila á einhver hljóðfæri líka...Allt í allt frábær dagur. Allir í góðu skapi, það kom ekkert upp á, engin leiðindi þótt fólk þyrfti að bíða og allir orðnir þreyttir. Allir tilbúnir til að leggja eins mikið af mörkum og þeir mögulega gátu. Ég segi nú bara eins og Siggalára á blogginu sínu um daginn, það er eitthvað alveg merkilegt að rúmlega 20 manns sé til í að standa í svona veseni, án þess að fá borgað fyrir það. Og síðast en ekki síst fá hljóðmennirnir alveg gríðarlegt hrós, þeir stóðu sig eins og hetjur og kvörtuðu aldrei (þeir fá ekkert borgað frekar en við), heldur tókust á við verkefnið af ótrúlegum áhuga og dugnaði. Húrra fyrir þeim! Og húrra fyrir okkur!!3/11 2005
Jasso nú altso BÖÖÖHþetta var reglulega regluleg æfing þar sem farið var í saumana á sönglögum, aðallega fjöldasöng og kórútsetningar. Mjög þarft verk og ljúft en ekki löðurmannlegt því næsta sunnudag, frá sólarupprás til sólarLAGS munum við standa í stúdiói og taka upp sé dé inn. Tók sérstaklega eftir þögninni sem ríkti eina örlagaríka sekúndu áður en upphafskórinn hófst. Það er nefnilega mjög mikilvægt að æfa grafarþögn fyrir svona upptökur. BÖÖH. Það er eignlega ótrúlega sniðugt að æfa lögin svona ofboðslega vel því þá ættu þau að festast rækilega og það rækilega og rétt.
Eini ókosturinn við að byrja æfingar svona seint og hætta seint er að þá fer maður þreyttur heim með öll lögin svamlandi inn á milli heilasellanna og það getur haldið fyrir manni vöku- eða mér amstakosti. Og hvað er þá til ráða, ég segi nú bara eins og Soffá frænka: Nú er um tvo kosti að velja...
annað hvort að fara í eina Sudoku glímu ... eða ... biðja Sjöfn um að segja sér frá hvað hún lærði í viðskiptaháskólanum í dag ...zzzzzzzzzzzzzzzzzzzzzzzSolla hása
2/11 2005
Farið var vel og nákvæmlega í langflestar fjölskyldusenurnar, nú með næstum því réttum leikmunum og stefnir í leiksigur hjá músastigunum mörgu. Áherslan var á smáatriðin. Allmörgu var breytt og enn meira lagað og sjálfsagt kominn tími til. Væmnin náði nýjum og ókönnuðum hæðum og stefnir það allt í eina átt. Sennilega er vænlegast að geyma ælupoka undir hverju sæti í Tjarnabíói. Þetta er auðvitað allt svo dásamlegt.Guð blessi okkur öll.1/11 2005
jæjavið æfðum framtíðarjól í dag. þetta var fyrsta æfing eftir fyrsta rennsli og nú er allt virkilega að falla í einhvern farveg, fólk orðið öruggara og æ fleiri er farnir að sleppa handritum. hljómsveitin hljómar einnig betur og betur og veit það á gott fyrir upptökurnar sem verða um helgina. bjössi kom með raddsetningu fyrir kirkjukórinn og tók nú ekki langan tíma að fullæfa það!eftir æfingu var síðan skrafað og skipulagt og þá helst í sambandi við markaðsmál og fyrirliggjandi upptökur.allt gott að frétta sem sagt og allir brosandi.....1/11 2005
Eins og segir í The day after tomorrow og sennilega líka í Vetrarundur í Múmíndal:Einhverntíman verður allt fryst.Eða eitthvað. Allavega verður næsta hugleiksleikskrá sú fyrsta þar sem ég fæ kredit fyrir að vera módel. Var sumsé fenginn til að pósa fyrir Ingu Rósu svo hún geti teiknað sannfærandi mynd af reiðum nirfli að berja lítinn bæklaðan dreng með músastiga. Við ætlum jú að hafa plakatið jólalegt...Svo æfðum við draug nútímajóla. Fríða verður æ klikaðri sem hin ástsjúka Sólveig, og ekki hækkar greindarstigið á henni Kapítólu. Aftur á móti verður Friðrik sífellt heillaðri af henni. Hún á svo góðan mann.... Ungmennafélagið er líka hin fegursta smíð. Núna æfðum við Óratóríuna Fjárhirðarnir eftir Heiðlaugu Svan. Einhvers misskilnings gætti um tíma og töldu menn að frk. Svan hefði óperu í smíðum en sem betur fer áttaði hún sig á hvað var passandi fyrir viðfangsefnið. Hefur einhver heyrt um Jólaóperu? Ja fyrir utan Amahl og næturgestina sem hvorki mér né Kára mági mínum finnst skemmtileg síðan við sveifluðum eltispottum í Langholtskirkju um árið og fengum andskotann ekkert borgað.Mér fannst óratórían hennar Heiðlaugar bara nokkuð snotur, af amatör að vera. Og svo ætlar Hanna að búa til kind handa fjárhirðunum að passa. Ég var ekki beðinn að vera módel fyrir þá mynd. Samt kallaði Stína heitin frænka mín mig oft og iðulega sauðskepnu. Er enn sár.31/10 2005
gleðileg jól, nú við höldum jólin hátíðleg og hönd..við renndum í gær, í fyrsta sinn.renndum öllu leikritinu í gegn af stakri snilld. þetta var eiginlega bara alveg ógeðslega flott hjá okkur og gaman að sjá hvernig senurnar voru að ganga hjá öllum hinum.
þetta tók okkur ekki nema tvo tíma og vorum við voða fegin. margir héldu að þetta yrði sagan endalausa en þetta stefnir í að verða fyrirtaks lengd á leikriti. nú er hann dáinn dáinn já drullusokk..um kvöldið var síðan súpa, Baunasúpa. haldið var í gömlu hlugleikshefðina að borða saman baunasúpu og syngja lögin úr leikritinu. þessi hefð hefur víst verið við lýði í mörg herrans en þetta er þó í fyrsta skipti sem ég fæ að vera með.
Sigrún listakokkur mallaði súpu af stakri snilld og höfðu einhverjir á því orð að þetta væri besta baunasúpa sem þeir höfðu smakkað. ekki get ég dæmt um það en góð var hún! mmmmmm..jólin eru komin, jólin eru komin, jólin eru komin, jólin eru komin..síðan var sungið. hátt og snjallt enda flestir komnir vel í glas og áttu nú ekki erfitt með að hefja upp raust sína. söngnum var vel tekið af öllum fjórum áhorfendunum (ég tel ekki höfunda með) og lítur bara út fyrir að við séum með fínasta stykki í höndunum. hey þú elsku besti ebenezer, athuga þarftu hv..svo var djammað, drukkið, sungið, boltast og spjallað langt fram eftir nóttu. við stóðum okkur nú bara nokkuð vel í því held ég :)ég er kapitóla karlsdóttir og kjánalega læ..það fór að vísu ekki eins vel í mig í morgun. vaknaði með dúndrandi hausverk og hef verið að reyna að ná honum úr mér í allan dag. sé þó ekki eftir neinu ;) þetta var gott kvöld og ég er til ef þið viljið gera þetta aftur!!sjáðu lífið það leikur oss við, lífsham..framundan er svo bara meiri æfingar... og upptaka á lögunum! farið verður í þann pakka næstu helgi svo það er eins gott að halda vel á spöðunum, kveð í bili
anna begga
28/10 2005
Og ekki birtist heldur færsla um gærkvöldið, svo best ég blaðri. Fyrir æfingu sýndu Patatazar snilli sína og kenndu viðstöddum upphitunaræfinguna "einntveirþríreinntveir". Að því loknu voru yfirstandandi jól voru tekin til bæna. Sólveig og Ebenezer æfðu sig í strengjabrúðuleik og ýmsu fleiru. Þá var jólaboð Friðriks frænda æft, þar sem Kapítóla ærði óstöðugan og Loftur bassaleikari sýndi mikla dramatík.Að lokum var hin algóða fjölskylda fjósamannsins á Grafarbakka sótt heim, með rúsínuáti og söng. Mikið gaman eins og venjulega. Og þar sem æðsti leikstjóri var einhvers staðar útí bæ að rýna í annarra manna sýningar, þá leyfðum við hin okkur öllum að fara snemma.Og nú bíða menn bara í gífurlegri eftirvæntingu eftir fyrsta rennsli og baunasúpu, sem fram eiga að fara á laugardag.27/10 2005
Það bólar ekki á blogg um æfingu gærkveldsins, svo ég púnkta smá.Hinn nýendurskrifaði lokaþáttur var sviðsettur og gengur vel upp. Að því loknu var lokasöngurinn lærður. Það verður þrautin þyngri að aflæra hann.25/10 2005
Umm. þú´st. Kannski soooldið seinn aðessu, datt aðeins út og eikkað en þú´st ég var aðeins að pæla eftir að ég var að horfa á´ann Ebba í kvold og hann er sko þokkalega ekki að fattetta. Hann er eikkað alltaf eikkað að fikta í hárinu á essari Bellu gellu en svo í kvöld sagði ég bara "Þú´st fattar´eða, það er ekkert þarna maður" ég held bara siiríuslí að ég þurfi að fara taka hann í einhverja tíma í´essu,En þú´st eriggi allveg að meikaða að þú´st ég og hann eikkað að maka stöngina og eikkað. það væri nottla miklu kúlla að taka hana bara í tíma. Bandið gengur fínt. það ebbara svo erfitt að finna alvöru deþþara hérna megin, eða þú´st "hinumegin" en ég verð bara að reyna að plögga þetta inníðá bara þú´st hægt. Ekki eins og við séum að farað drepast eðekkað. En allavega. Sjáumst.
Móri
24/10 2005
[er kveikt á þessu? ..testint..testing...on tú þrí..]Það er alltaf eitthvað við sunnudagsæfingar. Sumir mæta snemma og eru hressir. Aðrir mæta seinna og eru líka hressir. Einhverjir mæta snemma en eru ekki hressir og nokkrir mæta seint og eru alls óhressir. Einn mætti það seint að ástæða þótti til að minnast á það. Verandi nýjasti þáttakandinn var ég ekki alveg með á tæru hvað var í gangi í gær. Eitthvað draugalegt fólk væflaðist um sviðið og veittist að einvhverjum manneymingja . Mér skilst að það sé leikritið en ég er bara vesæll kontrabassaleikari og skil ábyggilega ekki svoleiðis. Tvö lög voru áframæfð og mikið hlakkar fólk yfir því að Ebeneser sé dáinn en Iðrunin fer að jafnast á við annan þekktann syndara úr heimsbókmenntunum hvað varðar lengd, hæð og framkomu. Allt virðist þetta vera að sniðkast til og tónlistinn dunar í hausnum á manni þegar heim er komið.
24/10 2005
Fremur stutt æfing í kvöld. Fórum í Ragnheiðaratriði, sem verður stórskemmtilegt hjá Bjössa og Huldu. Og negldum loxins niður hvernig bakraddadraugarnir koma inn í það. Frekar sniðugt bara. Bibbi og Annabegga spunnu það upp úr sér af mikilli innlifun. Að atriðinu æfðu settumst við höfundar niður með búningameisturunum, þeim Dillu og Írisi og ræddum hugmyndir. Það virðist allt vera í ákjósanlegum farvegi. Dilla að vísu með búningana í hérumbil hverri einustu áhugaleiksýningu landsins þessa dagana, en lætur eins og það sé fullkomlega eðlilegt og við hin erum þá bara kát.Síðan sátum við fjóreykið og lásum nýja lokaatriðið. Smávægilegar viðgerðir og svo er allt til. Og Bibbi raulaði lokalag sem hefur alla burði til að verða enn einn smellurinn. Hvar endar þetta...22/10 2005
Þetta var geysimikill músíklaugardagur. Formaðurinn enn fjarverandi, og mýsnar bregða á leik. Snæbjörn stýrði þessari maraþonmúsíkæfingu af mikilli röggsemi, og var rennt í gegnum öll hópnúmerin og meira til. Undirrituðum varð þokkalega ágengt í viðleitni sinni við að snapa sér verkefni í þessari sýningu, og tókst að troða sér í vafasaman undirleik í einum þremur lögum.Þetta er orðið hið glæsilegasta lagasafn. Ég verð illa svikinn ef það tekst ekki að kreista fram slatta af tárum með sumum þessara laga, og önnur (eða þau sömu?) eiga eftir að glymja stanslaust í hausum fólks út um allan bæ.20/10 2005
Í kvöld var æfing án frekasta leikstjórans. Hún var líka án Tomma litla og föður hans, sem var öllu verra. (Grunur leikur á að þeir séu báðir svo alvarlega í karakter að Tommi litli sé kominn með berkla og að Kristján fjósamaður sé fastur einhvers staðar í góðverkum.) Fórum aftur í það sama og í gærkvöldi. Ýmislegt skemmtilegt gerðist, við Sigrún fengum að sitja við leikstjóraborðið og nutum svo valdsins að við fórum með handritið eins og okkur sýndist.Svo var endað á smá söng áður en við Sigrún gerðum tilraun til vinsælda og gáfum öllum frí (sem einhverjir nýttu í barferð) klukkan hálfellefu. Setning kvöldsins: Heldurðu að ég skíti flatkökum?19/10 2005
Jæja kæru börn.Í kvöld ætla ég að segja ykkur litla sögu.
Eins og þið öll vitið er ég formaður ungmennafélagsins Fjárkláða hér í sveitinni og er alltaf að reyna að safna peningum til hinna ýmsu góðgerðarmála. Í kvöld var ég stödd hjá ríkasta bóndanum hér í sveitinni, honum Ebeneser. Hann er nú dálítið huggulegur karlinn en með eindæmum nískur. Það var ekki að finna að búið væri að baka á þeim bænum, ónei, enga bökunarlykt fann ég þó ég reyndi að þefa útí öll horn. Það var eiginlega mjög sérkennileg lykt á bænum, næstum eins eitthvað hefði dáið undir rúmi og bara verið látið liggja svei mér þá. En ég semsagt fór fram á smávegis framlag til hjálpar bágstöddum hér í sveitinni og hvað haldiði? Hann harðneitaði skrattakollurinn sá arna, harðneitaði. En ungur frændi hans sem þarna var staddur, alveg óskaplega geðugur piltur, kom með heljar stóran ..........já hvað haldiði? Já ...spennandi.........ég ætla ekki að segja ykkur hvað hann var með sem var svona stórt......þið verðið nefnilega að koma í Tjarnarbíó á sýningu til að fá að vita hvað það var.........og sjá það!!!!!!!
18/10 2005
Ég gleymi alltaf að úthluta bloggun eftir æfingar. Sem þýðir að þegar Bibbi gleymir því líka, þá gleymist það. Og þá blogga ég. Ég held að það sé einhver auðveld leið út úr þessari klípu en nenni ekki að leita að henni. Vona bara að Bibbi fari aftur að muna að sjanghæja einhvern úr hópnum til að tjá sig. En allavega, í kvöld fórum við í gegnum gervalla fortíð Ebenezers. Það var stórskemmtilegt og byrjaði að taka á sig mynd. Heildarmynd altsvo. Leikhópurinn er allsendis frábær. Endalaust hugmyndaríkur, innlifaður en jafnframt meðvitaður um heildina og allir tilbúnir til að koma með input um allt. Svona á þetta að vera. Slúttuðum kvöldinu á að finna leið með draugalögin - söngvana þar sem Ebenezer gerir upp líf sitt. Nokkurs konar áfangastaðir í átt að þroskanum sem hann tekur út í verkinu. Töff lag og við fyrstu heyrn frekar hart undir tönn í leikhúslegum skilningi, en á eftir að virka frábærlega. Sérstaklega í ljósi uppgötvunar kvöldsins.Fór heim glaður, eins og venjulega.18/10 2005
Afmælisæfingin mikla. Nei, það var ekki jólaævintýrið sem á afmæli heldur hann Toggi. Og auðvitað hófst æfingin á því að afmælissöngurinn var spilaður og breimaður fyrir afmælisbarnið. Gott ef ég sá ekki tár á hvarmi. Allavega klökknaði hann (er það kannski það sama?).Svo var dríft sig í lokin. Bjössi mættur í öllu sínu veldi og Grettir og Glámur börðust um athygli og hlátur áhorfenda. Gott ef Glámur bar ekki sigur úr býtum, en það er bara af því hann talar svo asnalega. "Nú er hann dáinn" var fest aðeins betur í hausnum á okkur, mér þykir það gott ef ég næ laginu úr heilanum á mér fyrir áttrætt. Sé barnabörnin fyrir mér: "Afi, hvaða lag er þetta sem þú ert alltaf að gaula?" Leikarar börðust sem fyrr um að fá að spila á hljóðfærin og nú hefur okkur bæst við mandólínleikari. Og Bjössi tók strófur á orgvélina í kórkaflanum sem kom býsna vel út. Svo lékum við leikritið til enda... tja, þess enda sem við höfum í höndunum. Nú situr einhver höfundanna sveittur við að skrifa lokakaflann og okkur er lofað þvílíkum lokaspretti, og bíðum auðvitað drulluspennt enda er það sem þegar er komið af leikritinu alveg bara gekt flott stöff. Þokkalega.Kannast svo lesendur við orðið "bgnwsst"? Já, nei, sorrí vitlaust blogg...15/10 2005
Stór og mikil mússíkæfing í dag. Hjómsveitin Forynjur og draugar mætti upp úr hádegi og hóf að vinna. Fljótlega mætti drengur sem var lýst á svo ótrúlegan hátt að hann "spilar eins og engill á sekkjapípu". Ekki reyndi á sannleiksgildi þess þar sem enn tóxt ekki að fá múkk úr þeim hljóðabelg. Höfum líklega ekki enn fundið G-blettinn á kolkrabbanum.Svo spiluðum við á öll hljoðfærin. Síðan bættust leikararnir við og við sungum uppstyttulaust í eins og þrjá tíma. Helvíti gott bara. Síðan er partí í kvöld.13/10 2005
"Því sjá, hér á ég heima." (nei ekki hér beinlínis... ^_^;)Þetta var hin fínasta æfing, með samheldinni fjölskyldu og mikilli innlifun (kannski of mikilli í einhverjum tilvikum *hóst hóst*;). Ebeneser greyið er orðinn enn nískari ef eitthvað er, og lá við að manni ofbyði (ein rúsína á mann í jólamatinn - hvur skrambinn skyldi þá vera á boðstólum alla aðra daga??) og Kapítóla fær að syngja þetta líka fína lag (sem ég er ekki búin að heyra, en ég bara geri ráð fyrir að það sé gott =). Svo hypjaði maður sig bara heim áður en eitthvað annað gat gerst (ef eitthvað annað gerðist verður einhver að kommenta því áleiðis).En það sem er mikilvægara en allt annan: Það er partí næsta laugardag! =D *allir í partí, allir í partí, enginn með...*12/10 2005
jæja!æfingar bæði í kvöld og í gærkvöld. tekin fyrir einstök atriði og farið gróflega í saumana á þeim. skemmst frá að segja að allt gengur eins og í jólasögu og andinn alveg einstaklega góður. okkur finnst við voða fyndin og ég held að það sé rétt hjá okkur.handritið er svo að segja komið í sína lokamynd, aðeins er eftir að semja óperu og lokasöng (sem virðist ætla að standa allsvakalega í undirrituðum) og sjæna og snurfussa lokaatriðið. síðan á allt vitanlega eftir að breytast á æfingatímanum ef allt gott lofar.eitthvað er búið að æfa af lögunum og sennilega flestir farnir að vita hvernig þau eiga að hljóma. önnur eru komin lengra á veg en önnur og gaman að sjá hvernig bjössi thor vippar sér í hlutverk rokksöngvara með lítilli fyrirhöfn. kjarni hljómsveitar verksins "forynjur og draugar" kemur saman fyrir aðalæfingu annað kvöld og þá verða gróflagðar línur fyrir útsetningar og andrúmsloft laganna.óverenát!11/10 2005
Það er alveg deginum ljósara að það verður sko ekkert hægt að bregða sér frá á þessu æfingatímabili. Maður rétt skreppur út á land eina helgi og það er bara kominn upphafssöngur og læti. Þú´ist nennir´eða. það er allavega kominn góður skriður á hlutina strax og greinilegt að það eru allir mjög spenntir og ákafir að koma þessu á svið. Æfing kvöldsins fór í Ebba gamla og draugana með söng og fleira tilbehör og strax komir skemmtilegir gaurar (svomaður vitni í Ágústu Skúla) Eftirá var svo haldið á krænna í tvo og leyfi ég mér að vitna í Snæbjörn, sem vitnaði í skilti á bar.Ef öl er böl, þá er sandur möl9/10 2005
Fyrsta almenna tónlistaræfingin fór fram í dag upp úr hádegi og góður slatti af leikhópnum gerði sér för vestur í EyjaRslóðina. Þó örlaði á talsverðri karlmannseklu eins og á fyrri æfingum. Undirritaðri tókst að sofa yfir sig og mæta skömmustuleg korteri of sein inn í miðjan boltaleik. Þegar mannskapurinn var orðinn vel upphitaður var röðin komin að raddböndunum og þau velgd með hressilegri sálumessu og vikivaka.Það bar þó helst til tíðinda að upphafssöngurinn er mættur í allri sinni dýrð og verður hinn jólalegasti. Þrátt fyrir yfirgengilegan hátíðleika framan af var þess ekki lengi að bíða að fjörlegir hugmyndir fóru að kræla á sér og stefnir í að stemningin verði afbyggð með glans.Annars dúkkuðu upp alls kyns nótur og útsetningar við lögin og er það vel.Um hálf þrjú var svo öllum sleppt nema harmatríóinu sem fékk að æfa sig á sorgarsöngnum mikla. Það skal kreistur fram síðasti dropinn úr jafnvel uppþornaðasta tárakirli í salnum - því treysti ég mér til að lofa.8/10 2005
Höfundar hittust upp úr hádegi, fóru í gegnum handrit og þær breytingar sem þegar hafa verið gerðar og lögðu á ráðin um þær næstu. Allt stefnir þetta í rétta átt.Bibbinn er búinn að yrkja hin snöfurmannlegustu sléttubönd upp í Tommalitla.Og rétt í þessu gerðust þau undur og stórmerki að upphafssöngur var saminn. Það er mikil tónsmíð.Tónlistaræfing á morgun.7/10 2005
Tíðindalítið úr herbúðum jólaævintýris. Og þó. Höfundar híma hver í sínum ranni og breyta textanum sem leikararnir sitja sveittir við að læra í sínum baðstofum. Kannski erum við búin að klófesta gítarleikara...6/10 2005
Hörkuæfing í kveld. Minna mannfall en í gær og við fórum í nokkrar senur með því sem næst réttu kasti. Það gekk helvíti vel, hópurinn er svo sannarlega til í slaginn og hlutir eru að lifna ótrúlega hratt. Og svo sungum við. Það var kikk. Og uppgötvuðum að þetta verður söguleg sýning fyrir þær sakir að nú mun heyrast í bassaklarinetti í fyrsta sinn í Hugleiksverki. Það er sánd sem segir sex. Eða kannski ekki sex, en eitthvað.Og þrátt fyrir að hafa minnt sjálfan mig á að auglýsa þetta blogg og auglýsa eftir sjálfbloggaliða fyrir kvöldið þá gleymdi ég því. Gengur betur næst. Sem reyndar verður ekki fyrr en á sunnudag. Höfundar sitja sveittir og grindkvalnir við endurskriftir, og ég er að hamast við að semja upphafssöng as we blog.5/10 2005
Jæjah. Formleg æfing númer tvö var í gærkveldi klukkan 20.00. Eitthvað voru menn nú að forfallast út af einu og öðru, einhverjir að æfa einþáttunga fyrir helgina í Þjóðleikhúskjallaranum, aðrir í útlöndum að meika það, og þar fram eftir götum. En fámennir og góðmennir tóku þess í stað ágætis söngæfingu. Hún lofaði góðu. Allavega ómar allt í mínum haus í dag af Bibbsku efni. Komin voru tvö lög sem undirrituð hafði ekki heyrt og svo er kominn texti að upphafssöng, sem eftir er að semja lag við.Okkur almúganum var síðan bara sleppt heim tiltölulega snemma og skildum við Togga, Bibba, Bjössa og Hjalta eftir við hljóðfræðilegar pælingar.